एजेन्सी
नयाँ दिल्ली । दिल्लीका मुख्यमन्त्री अरविन्द केजरीवाल आज अन्तरिम जमानतमा छुटेका छन् ।
भारतको प्रवर्द्धन निर्देशनालय (ईडी) ले उनलाई मदिरा घोटाला प्रकरणमा मार्च २१ मा पक्राउ गरेको थियो । आज सर्वोच्च अदालतले उनलाई अन्तरिम जमानत दिएको हो । ईडीको कडा विरोधको बाबजुद अदालतले दिल्लीका मुख्यमन्त्रीलाई जमानत दिएको छ।
चुनावलाई दृष्टिगत गर्दै सर्वोच्च अदालतले केजरीवाललाई जुन १ सम्म अन्तरिम जमानत दिएको हो । केजरीवालले जुलाईसम्मको समय मागे पनि अदालतले अस्वीकार गर्दै जुन १ सम्मको समय दिएको थियो ।
जमानत स्वीकृत गर्दा सर्वोच्च अदालतले अरविन्द केजरीवालले जुन २ मा अदालतमा आत्मसमर्पण गर्नुपर्ने स्पष्ट आदेश दिएको छ।
Copyright © All right reserved to webtvkhabar.com Site By: Sobij
