Logo

२०८३, मंसिर ३ गते बुधवार

२०८३, मंसिर ३ गते बुधवार

‘प्रभावित क्षेत्रमा स्वास्थ्य संकट आउन नदिन सरकार संवेदनशील हुनुपर्छ’

‘प्रभावित क्षेत्रमा स्वास्थ्य संकट आउन नदिन सरकार संवेदनशील हुनुपर्छ’

  • 352
    SHARES
  • ‘प्रभावित क्षेत्रमा स्वास्थ्य संकट आउन नदिन सरकार संवेदनशील हुनुपर्छ’

    काठमाडौं । भूकम्पपीडितको लागि युवा संघ नेपालद्वारा संकलित राहत सामग्री प्रभावित क्षेत्रमा पठाइएको छ ।

    नेकपा एकीकृत समाजवादीका सम्मानित नेता तथा पूर्वप्रधानमन्त्री झलनाथ खनालले १४ लाख मूल्य बराबरको राहत सामग्री युवा संघ नेपालका प्रतिनिधिलाई हस्तान्तरण गरेका हुन् ।

    पार्टी केन्द्रीय कार्यालयमा आज आयोजित कार्यक्रममा युवा संघका प्रतिनिधिलाई सामग्री हस्तान्तरण गर्दै पूर्वप्रधानमन्त्री खनालले भूकम्प प्रभावित क्षेत्रमा समयमै उद्धार तथा राहत पु¥याउन नसके स्वास्थ्य संकट आउन सक्ने भएकाले सरकार संवेदनशील हुनुपर्ने बताए ।

    नेता खनालले राहत पाउने कुरामा प्रभावित थप समस्यामा परेको, सामान्यभन्दा सामान्य सेवा सुविधासमेत नपाएको समाचार आइरहेकाले उनीहरुलाई सहयोग गर्न सरकार गम्भीर हुनपर्ने बताए ।

    पूर्वप्रधानमन्त्रीसमेत रहनुभएका नेता खनालले सहयोगको लागि विश्वभर छरिएका नेपालीलाई आग्रह गर्दै देशमा दुःख परेका बेला विदेशमा रहेका नेपाली एकजुट भएर उनीहरूलाई सहयोग उपलब्ध गराउनुपर्नेमा जोड दिए ।

    राहत सामग्री डिजिटल सोलार प्यानल करिब छ लाख बराबरको २० थान, एन्टि मस्क्युटो किड्स एक लाख बराबरको दुई सय ५२ थान, सेनिटरी प्याड तीन लाख बराबरको पाँच सय थान, अक्सिजन कन्सन्ट्रेटर एक थान एक लाख ५० हजार बराबरको, अक्सिमिटर एक थान रु एक लाख ५० हजार बराबर र विभिन्न औषधि रु दुई लाखभन्दा बढी मूल्य बराबरको र भोलेन्टियर हेलमेट एक सय थान ५० हजार बराबरको रहेको जनाइएको छ ।

    गत शुक्रबार ६.४ रेक्टर स्केलको भूकम्पले जाजरकोटसहितका जिल्लामा जनधनसहित ठूलो क्षति पुर्याएको हो । युवा संघका प्रवक्ता सञ्जीप राईको टोली आजै राहत सामग्री लिएर प्रभावित क्षेत्र जाजरकोट लागेको छ ।

  • सम्बन्धित विषय:

  • # सरकार

  • Copyright © All right reserved to webtvkhabar.com Site By: Sobij