वेबटिभी खबर
काठमाडौं । राष्ट्रियसभाका पूर्वसदस्य प्रा विदुर पौडेल मष्तिष्काघात भई उपचारका लागि काठमाडौं मेडिकल कलेज सिनामंगलमा भर्ना भएका छन् । उनलाई अस्पतालको सघन उपचार कक्षमा भर्ना गरेर उपचार गरिरहेको नेपाली कांग्रेसका नेता लोकेश ढकालले जानकारी दिए ।
पक्षाघातसमेत भई उनको शरीरको देब्रे भाग नचल्ने भएको र आँखा हेरे पनि प्रतिक्रिया नदिएको उनका भतिजा परमेश्वरले बताए ।
सदाचारी एवम् इमान्दार नेता पौडेलले लामो समय संस्कृत विश्वविद्यालय, वाल्मीकि विद्यापीठमा प्राध्यापन गरेका थिए । सांसद हुँदा सुविधाका लागि गाडीका रुपमा प्राडो एवम् पजेरो भित्र्याउन दिने सरकारी निर्णयको उनले विरोध गरेका थिए ।
गुह्वेश्वरीमा रहेको अधिकारसम्पन्न वाग्मती ढल व्यवस्थापन आयोजनाका पूर्वाध्यक्षसमेत रहका पौडेलले उपत्यकाका नदीहरुको सरसफाई र व्यवस्थापनमा पनि नेतृत्वदायी भूमिका खेलेका थिए ।
Copyright © All right reserved to webtvkhabar.com Site By: Sobij