वेबटिभी खबर
काठमाडौं । त्रिभुवन विश्वविद्यालयमा शुक्रबार पठन-पाठन नहुने भएको छ ।
करारमा कार्यरत शिक्षक र कर्मचारीलाई आन्तरिक प्रतिस्पर्धाबाट स्थायी गर्ने त्रिविको निर्णय सच्याउन माग गर्दै ६ विद्यार्थी संगठनले त्यसविरुद्ध आन्दोलन गरिरहेका छन् । सो निर्णय सच्याउन दबाब दिन विद्यार्थी संगठनहरूले भोलि शुक्रबार त्रिवि बन्द गर्ने भएका हुन् ।
समाजवादी विद्यार्थी युनियनका नेता प्रविन दाहालका अनुसार भोलि त्रिविमा पठनपाठन हुँदैन । त्रिवि बन्द हुन्छ । परीक्षा भने सञ्चालन हुन्छ । त्रिविले निर्णय नसच्यायसम्म हाम्रो आन्दोलन रोकिदैन । रजिष्टार र रेक्टरको मुख्य गेटमा लगाइएको ताला खुल्दैन ।
आन्दोलनमा समाजवादी विद्यार्थी युनियन, नेपाल विद्यार्थी संघ (नेविसंघ), अखिल क्रान्तिकारी, अखिल छैठौं, अखिल क्रान्तिकारी (विप्लव समूह) र अनेरास्ववियू (एमाले) अनेरास्ववियू (एकीकृत समाजवादी) छन् ।
Copyright © All right reserved to webtvkhabar.com Site By: Sobij
