वेबटिभी खबर
काठमाडौ । माध्यमिक शिक्षा परीक्षा (एसइई) प्रदेशबाटै गर्न सरकारले प्रस्ताव गरेको छ । शनिबार सिंहदरबारमा बसेको प्रतिनिधिसभा अन्तर्गतको शिक्षा, विज्ञान तथा प्रविधि समितिको बैठकमा सरकारको तर्फबाट शिक्षामन्त्री रघुजी पन्तले सो प्रस्ताव अघि सारेका हुन् ।
बैठकमा बोल्दै उनले एसइई प्रदेशबाट सञ्चालन गर्नुपर्ने र एसइईले गुणस्तर कायम गर्न मद्दत पुग्ने बताए । उनले एसइई हटाइयो भने सीटीभीटीमा भर्ना के गर्ने भनि प्रश्न गरे ।
उनले भने, ‘बजेटमा पनि एसइई प्रदेशमा दिने भनेर पास गरेको छ । सीटीभीटीमा भर्ना हुने पनि एसइई पछि हो । एसइई हटायो भने सीटीभीटीमा भर्ना के गर्ने । सरकरले प्रदेशमा गर्ने भनेर ल्याएको छ । एसइई राखौं प्रदेशबाट सञ्चालन गरौं । एसइईले गुणस्तर कायम गर्न मद्दत गर्छ ।’
Copyright © All right reserved to webtvkhabar.com Site By: Sobij
