वेबटिभी खबर
काठमाडौं । नेकपा एकीकृत समाजवादीका अध्यक्ष माधव कुमार नेपालले राष्ट्रियसभा अध्यक्ष पदका लागि गठबन्धनभित्र सहमति जुट्ने दावी गरेका छन् ।
चितवनको भरतपुर विमानस्थलमा बिहीबार सञ्चारकर्मीसँग कुरा गर्दै अध्यक्ष नेपालले राष्ट्रियसभा अध्यक्ष पदमा गठबन्धनभित्रका दलको छुट्टाछुट्टै दावी रहेपनि यसमा सहमति जुट्ने बताएका हुन ।
उनले अहिले गठबन्धनभित्र कुनै प्रश्न खडा नभएको र गठबन्धन बलियो जगमा उभिएको धारणा राखे । केही समस्या आए छलफल गरेर सहमतिमा पुगिने जिकिर उनको थियो । गठबन्धनभित्र कुनै दरार देखिए समाधान गरिने उनले बताए ।
अध्यक्ष नेपाल भरतपुर भ्रमण वर्ष २०२४ को उद्घाटन सत्रमा सहभागी हुन चितवन पुगेका थिए ।
Copyright © All right reserved to webtvkhabar.com Site By: Sobij