Logo

२०८३, मंसिर ७ गते आइतवार

२०८३, मंसिर ७ गते आइतवार

वामदेवलाई ओलीकै बाटो मन पर्यो

वामदेवलाई ओलीकै बाटो मन पर्यो

  • 1.2K
    SHARES
  • वामदेवलाई ओलीकै बाटो मन पर्यो

    काठमाडौं  । नेकपा एमालेका उपाध्यक्ष वामदेव गौतमले आफू प्रधानमन्त्री एवम् पार्टी अध्यक्ष केपी शर्मा ओलीको पक्षमा रहने प्रतिबद्धता जनाएका छन् । शुक्रबारको केन्द्रीय कमिटी बैठकमा बोल्दै उपाध्यक्ष गौतमले अब ओलीको साथ नछोड्ने बताएका हुन् । 

    ‘म भएको भए पार्टीबाट राजीनामा दिएर मात्रै हस्ताक्षर गर्थेँ । माधवजीहरूले गलत गर्नुभयो । आफ्नै पार्टी अध्यक्ष प्रधानमन्त्री भएको बेलामा यस्तो गर्नु हुन्थेन,’ गौतमको भनाई उदृत गर्दै स्रोतले भन्यो, ‘अब मैले प्रधानमन्त्रीको साथ छोड्दिनँ । म यहाँबाट खुशी भएर जान्छु ।’

    यसअघिका पार्टी बैठकमा गौतम उपस्थित हुने गरेका थिएनन्  । पुस ५ गते प्रधानमन्त्री ओलीले प्रतिनिधिसभा विघटन गरेपछि पार्टीमा गौतम तटस्थ बसेका थिए ।

    फागुन २३ गते सर्वोच्च अदालतले एमाले र माओवादी एकता भंग गरिदिएपछि ओलीले गरेका एकलौटी निर्णयमा गौतम असन्तुष्ट बनेका थिए । खनाल-नेपाल पक्षले नयाँ पार्टी गठन गरेमा त्यो पार्टीमा आफू लाग्नेसमेत उनले सार्वजनिक रूपमा भनेका थिए । 

    Copyright © All right reserved to webtvkhabar.com Site By: Sobij