Logo

२०८३, मंसिर ५ गते शुक्रवार

२०८३, मंसिर ५ गते शुक्रवार

विपद्को जोखिम हुन नदिन पूर्वतयारीलाई उच्च प्राथमिकता दिनुपर्छ : मन्त्री शर्मा

विपद्को जोखिम हुन नदिन पूर्वतयारीलाई उच्च प्राथमिकता दिनुपर्छ : मन्त्री शर्मा

  • 185
    SHARES
  • विपद्को जोखिम हुन नदिन पूर्वतयारीलाई उच्च प्राथमिकता दिनुपर्छ : मन्त्री शर्मा

    दाङ । सञ्चार तथा सूचना प्रविधिमन्त्री रेखा शर्माले देशका सबै पालिकामा विपद्को जोखिम हुन नदिन पूर्वतयारीलाई उच्च प्राथमिकता दिन आग्रह गरेकी छन ।

    गृहमन्त्रालद्वारा आज दाङको तुलसीपुरमा आयोजित विपद् पूर्वतयारी तथा प्रतिकार्य कृत्रिम घटना अभ्यास कार्यक्रमको शुभारम्भ गर्दै उनले विपद्को पूर्वतयारी गरेर सम्भावित घटनालाई न्यूनीकरण गर्न सकिने बताइन् ।

    ‘विपद्को पूर्वतयारी कार्यक्रम सबै पालिकाले गर्नुपर्छ’, मन्त्री शर्माले भनिन्, ‘यसो गर्दा सम्भावित जोखिमलाई न्यूनीकरण गर्न सकिन्छ ।’ विगतमा पनि पूर्वतयारी नहुँदा पनि  विपद्बाट धेरै जनधनको क्षति हुने गरेको मन्त्री शर्माको भनाइ छ ।

    भूकम्प, बाढी पहिरोलगायतका विपद्ले नेपालमा धेरै मानवीय तथा धनजनको क्षति भएको जनाउँदै यसका लागि पूर्वतयारी आवश्यक रहेको मन्त्री शर्माको भनाइ छ । उनले जनप्रतिनिधि, समाजका अगुवाहरूले पूर्वतयारीका कुराहरू सिक्नुपर्ने बताइन् ।

    ‘जनप्रतिनिधि, समाजका अगुवाहरूले विपद् पूर्वतयारीका कुराहरूमा जानकारी भएमा विपद् हुँदा उद्धारमा धेरै सहज हुन्छ’, मन्त्री शर्माले भनिन्, ‘यसमा ख्याल गर्नुपर्छ, विपद्को पूर्वतयारी नहुँदा उद्धार फितलो हुन्छ ।’

    Copyright © All right reserved to webtvkhabar.com Site By: Sobij