जेनेभा । विश्व स्वास्थ्य संगठन (डब्ल्युएचओ) का शीर्ष अधिकारीले कोरोना भाइरसको उत्पत्तिबारे अधिक जानकारी दिन चीनलाई बाध्य पार्न डब्ल्युएचओले नसक्ने बताएका छन् । तर यसले भाइरस अर्को तह कहाँ देखा पर्छ भनेर बुझ्ने अध्ययनको प्रस्ताव गर्ने छन् ।

एक पत्रकारले सोधेको कसरी डब्ल्यूएचओले चीनलाई अझ खुला हुन बाध्य बनाउनेछ ? भन्ने प्रश्नमा त एजेन्सीको आपतकालीन कार्यक्रमका निर्देशक माइक रायनले एक न्यूज कन्फरेन्समा डब्ल्युएचओसँग यस सम्बन्धमा कसैलाई बाध्य पार्ने शक्ति छैन भनेका हुन् । रायनले यसमा सबै सदस्य राष्ट्रहरूको सहयोगको पूर्ण अपेक्षा गरेको पनि बताए ।

कोरोना भाइरस उत्पत्तिबारे अहिले दुईवटा सिद्धान्तहरु अनुसन्धान र बहसमा छन्, एउटा जनावारबाट भाइरस मानिसमा सरेको, अर्को वुहानको प्रयोगशालाबाट भाइरस चुहावट भएको ।

यतिवेला वुहान प्रयोगशालाबाट भाइरस चुहावट भएको सिद्धान्त सार्वजनिक बहसको विषय भएको छ । धेरै प्रतिष्ठित वैज्ञानिकहरूले भाइरसको उत्पत्तिबारे पूर्ण अनुसन्धान गर्न आग्रह गरिरहेका छन् ।

कोरोना भाइरस प्रकोपको प्रारम्भिक चरणमा भाइरस ल्याबबाट दुर्घटनावश चुहावट भएको हाइपोथेसिसलाई वैज्ञानिकहरूले धेरै हदसम्म बेवास्ता गरे । चीनले आफ्नो प्रयोगशाला प्रकोपका लागि जिम्मेवार बारम्बार यसलाई अस्वीकार गर्दै आएको छ ।

यसअघि सन् २०२१ को जनवरी फेबु्रअरीमा डब्ल्युएचओको एक समूहले वुहानमा पुगेर सुरुवातमा कोरोना भाइरस भेटिएका स्थलहरु र चिनियाँ वैज्ञानिकसँग सहकार्य गरी अध्ययन गरेर रिपोर्ट तयार पार्दा जनावारबाट मानिसमा भाइरसको सरेको प्रारम्भिक निष्कर्ष निकालेको थियो । 

कोरोना उत्पत्तिलाई राजनीतिकरण नगर्न डब्ल्युएचओको आग्रह कोरोना भाइरसको उत्पत्तिबारे अझ गहन अध्ययन जरुरी छः डब्ल्युएचओ प्रमुख