वेबटिभी खबर
नयाँ दिल्ली । भारतमा कोरोना भाइरसको दोस्रो लहर कमजोर हुँदै गइरहेको समयमा पुनः नयाँ भेरिएन्ट भेटिएको पुणेको नेसनल इन्स्टिट्युट अफ भाइरोलोजीले बताएको छ । भाइरसको जिनोम सिक्वेसिंग गर्दा नयाँ भेरिएन्ट पत्ता लागेको हो ।
टाइम्स अफ इन्डियाको एक रिपोर्टअनुसार यो भेरिएन्ट बेलायत र ब्राजिलबाट भारत आएका मानिसमा भेटिएको हो । इन्स्टिट्युटले यसलाई B.१.१.२८.२ नाम दिएको छ । यो डेल्टा भेरिएन्टजस्तै गम्भीर प्रकृतिको रहेको छ ।
उक्त भेरिएन्टको अध्ययनपछि यसको संक्रमणले मानिसलाई गम्भीर बिरामी बनाउन सक्ने पाइएको छ । खोप कति प्रभावकारी छ भन्ने पत्ता लगाउन स्क्रिनिंगको आवश्यकता पर्छ । स्वास्थ्य विज्ञका अनुसार नयाँ भेटिएको भेरिएन्टबाट संक्रमित व्यक्तिमा तौल कम हुने, फोक्सो बिग्रिने हुन्छ ।
कोरोना भाइरसको म्युटेशन पत्ता लगाउन इन्डियामा १० वटा नेसनल प्रयोगशालाले करिब ३० हजार नमुना परीक्षण गरेका थिए । केन्द्र सरकार पनि जिनोम सिक्वेन्सिंगका लागि स्रोतसाधन बढाउने काम गरिरहेको छ ।
भारतमा दुई महिनापछि दैनिक संक्रमित एक लाखभन्दा कम, मृत्यु दर पनि घट्दै
भारतमा आइतबार एक लाख संक्रमित थपिए, दिल्लीमा लकडाउन खुकुलाे
Copyright © All right reserved to webtvkhabar.com Site By: Sobij