वेबटिभी खबर
डडेल्धुरा । डडेल्धुरामा आइतबार बिहान बँदेलको आक्रमणबाट एक जनाको मृत्यु भएको छ । अमरगढी नगरपालिका-३ डोटी घटाल, गुजरलेकका ५२ वर्षीय गणेश पल्लेको बँदेलको आक्रमणबाट मृत्यु भएको हो ।
पल्ले बिहान खेतमा गोरु डोर्याउन गएको बेला बँदेलको आक्रमणमा परेका थिए । डडेल्धुराका प्रहरी नायव उपरीक्षक मनोहरप्रसाद भट्टले घाइते पल्लेको उपचारका क्रममा डडेल्धुरा अस्पतालमा मृत्यु भएको बताए । मृतक पल्लेको शव पोष्टमार्टमका लागि डडेल्धुरा अस्पतालमा राखिएको छ ।
Copyright © All right reserved to webtvkhabar.com Site By: Sobij