वेबटिभी खबर
सुनसरी । सुनसरीका तीन किसान पुरस्कृत भएका छन् । आधुनिक उपकरण प्रयोग गरि कृषि कर्म गर्दै आएका उनीहरूलाई यहाँ आयोजित एक कार्यक्रममा पुरस्कृत गरिएको हो ।
इनरूवामा मकै उत्पादन गर्दै आएका हरिप्रसाद मेहता र केरा उत्पादन गर्ने पावर्ती मेहता तथा भोक्रहा नरसिंहका गोलभेँडा उत्पादन गर्ने किसान दाउद अन्सारी पुरस्कृत भएका हुन् ।
एकता किसान कृषि सहकारीले शुक्रबार आयोजना गरेको कृषि उत्पादन प्रदर्शनीमा तीनैजनालाई सम्मानित गरिएको थियो ।
सहकारी अध्यक्ष डा.सदानन्द साहका अनुसार आधुनिक कृषिजन्य उपकरण प्रयोग गरेर उत्पादन बढाएर कृषिमा आत्मनिर्भर भएका किसानलाई सम्मान गरिएको हो ।
Copyright © All right reserved to webtvkhabar.com Site By: Sobij
