वेबटिभी खबर
काठमाडौं । राष्ट्रिय प्रजातन्त्र पार्टी, नेपाल (राप्रपा) अध्यक्ष राजेन्द्र लिङ्देनले पार्टीमा रवीन्द्र मिश्रको अभाव खड्किरहेको बताएका छन् ।
बुधबार राष्ट्रियसभा गृहमा आयोजित राप्रपा र मिश्र समूह नेतृत्वको बृहत् ध्रुवीकरण पक्षधर बीच एकता घोषणा कार्यक्रममा अध्यक्ष लिङ्देनले यस्तो बताएका हुन् ।
उनले भने, ‘विगतका दिनमा राप्रपामा रवीन्द्रजीको अभाव खड्किरहेको थियो । यो एकता कोशेढुंगा सावित हुन्छ । अब थप गतिका साथ अगाडि बढ्नुपर्छ ।’
उनले राप्रपाका लागि मात्र नभइ आम मानिसको खुसीका लागि मिश्र समूह र राप्रपाबीच एकता भएको दाबी गरे ।
उनले पार्टीमा कुनै प्रकारको असहज महसुस गर्ने वातावरण हुन नदिने मिश्रलाई वचन दिए ।
Copyright © All right reserved to webtvkhabar.com Site By: Sobij
