वेबटिभी खबर
धादिङ । धादिङमा डेंगुका बिरामीको संख्या बढ्न थालेको छ । मंगलबार एकै दिनमात्र जिल्ला अस्पतालमा आएकामध्ये ११ बिरामीमा परीक्षणबाट डेंगु पुष्टि भएको अस्पतालका मेडिकल सुपरिटेन्डेन्ट डा.मधुकर दाहालले बताए ।
अस्पतालमा रुघाखोकी र ज्वरोका बिरामी बढीरहेको समयमा डेंगुका बिरामी पनि बढ्न थालेको हो । साउन र भदौसम्मको अवधिमा अस्पताल आएकामध्ये एक सय १४ जनामा डेंगु पुष्टि भएको छ ।
पछिल्लो दिन पुष्टि भएकाबाहेकको उपचार भइसकेको छ भने ११ जनाको उपचार भइरहेको छ । डेंगु संक्रमित एक जनाको जिल्ला अस्पतालमै मृत्युसमेत भइसकेको छ । ज्वालामुखी गाउँपालिका-२ का ५६ वर्षिय रामचन्द्र श्रेष्ठको डेंगु संक्रमणपछि मृत्यु भएको थियो।
Copyright © All right reserved to webtvkhabar.com Site By: Sobij