Logo

२०८३, मंसिर ६ गते शनिवार

२०८३, मंसिर ६ गते शनिवार

राहदानी बनाइदिन्छु भनेर ठगी गर्ने चारजना पक्राउ 

राहदानी बनाइदिन्छु भनेर ठगी गर्ने चारजना पक्राउ 

  • 368
    SHARES
  • राहदानी बनाइदिन्छु भनेर ठगी गर्ने चारजना पक्राउ 

    काठमाडौं । काठमाडौंको त्रिपुरेश्वररस्थित राहदानी विभागमा सेवाग्राहीलाई एकै दिनमा राहदानी बनाई दिन्छौँ भनी ठगी गरेको आरोपमा प्रहरीले चार जनालाई पक्राउ गरेको छ । उनीहरूलाई बिहीबार पक्राउ गरिएको प्रहरीले जनाएको छ ।

    पक्राउ पर्नेहरूमा काठमाडौं महानगरपालिका–७ चावहिल बस्ने सिन्धुपाल्चोक मेलम्ची नगरपालिका–५ घर भएका ३३ वर्षीय रामबहादुर बोगटी, चावहिल बस्ने धनकुटा पाख्रिबास नगरपालिका–१० चुन्वाङ घर भएका २८ वर्षीय श्याम कुमार राई, चावहिल बस्ने सिन्धुपाल्चोक हेलम्बु गाउँपालिका–२ घर भएका २२ वर्षीय राम पौडेल र चाबहिलस्थित रोज बर्ड नामक फोटो स्टुडियो सञ्चालन गरी बस्ने गोकर्णेश्वर नगरपालिका–२ सुन्दरीजल घर भएका ४१ वर्षीय विबेक गुरूङ रहेका छन् ।

    उनीहरूले राहदानी विभागमा सेवाग्राहीलाई विश्वासमा पारी रकम संकलन गरी ठगी गरेको आरोप प्रहरीको छ । साथै उनीहरूले किर्ते गरी अनलाइन फारम भरिदिने गरेको पनि प्रहरीले जनाएको छ ।

    प्रहरी वृत्त कालिमाटीबाट खटिएको प्रहरीले उनीहरूलाई पक्राउ गरेको हो । उनीहरूबाट प्रहरीले विभिन्न व्यक्तिहरूको नाममा भरिएको ३२ थान अनलाइन फाराम, ३ थान ल्यापटप, १ थान प्रिन्टर र ३ थान मोबाइल बरामद गरेको छ ।

    उनीहरू उपर ठगी सम्बधि कसूर र लिखत सम्बन्धि कसूरमा जिल्ला अदालत काठमाडौंबाट ४ दिनको म्याद थप अनुमति प्राप्त गरी प्रहरीबाट थप अनुसन्धान भइरहेको छ ।  

    Copyright © All right reserved to webtvkhabar.com Site By: Sobij