Logo

२०८३, मंसिर ५ गते शुक्रवार

२०८३, मंसिर ५ गते शुक्रवार

नेपालमा साढे २१ करोडबढीको तास आयात

नेपालमा साढे २१ करोडबढीको तास आयात

  • 365
    SHARES
  • नेपालमा साढे २१ करोडबढीको तास आयात

    काठमाडौं । गत आर्थिक वर्ष २०७८/७९ मा नेपालले साढे २१ करोड रूपैयाँबढीको तास विभिन्न देशबाट आयात गरेको छ । भन्सार विभागका अनुसार २०७८ साउनदेखि २०७९ असार मसान्तसम्मको अवधिमा नेपालले उक्त मूल्यको तास आयात गरेको हो ।

    उक्त समयमा २१ करोड ५४ लाख ४५ हजार रूपैयाँको तास नेपाल भित्रिएको विभागले जनाएको छ । उक्त मूल्यमा १ करोड ९ लाख ६० हजार ५४७ बुक तास नेपाल भित्रिएको छ ।

    चीन, फ्रान्स, जर्मनी, हंगेरी, भारत र अमेरिकाबाट नेपालमा तास आउने गरेको विभागले जनाएको छ । विभागका अनुसार नेपालमा सबैभन्दा बढी तास चीन र भारतबाट आउने गरेको छ ।

    गत आर्थिक वर्ष चीनबाट १९ करोड ७१ लाख ८० हजार रूपैयाँ र भारतबाट १ करोड ८२ लाख ५८ हजार रूपैयाँको तास नेपालले आयात गरेको छ ।

    अघिल्लो आर्थिक वर्ष २०७७/७८ मा नेपालले विभिन्न देशबाट २८ करोड ६२ लाख ६४ हजार रूपैयाँको १ करोड ३९ लाख ६९ हजार १३५ बुक तास आयात गरेको थियो ।

    Copyright © All right reserved to webtvkhabar.com Site By: Sobij