वेबटिभी खबर
काठमाडौं । जनता समाजवादी पार्टी नेपालका संघीय परिषद् अध्यक्ष डा.बाबुराम भट्टराई पक्षले छुट्टै केन्द्रीय समिति बैठक बोलाएका छन् ।
मंगलबार बिहान साढे ११ बजे काठमाडौंको जडिबुटीमा केन्द्रीय समितिको विस्तारित बैठक बोलाएको हो ।
बिहीबारसम्म चल्ने बैठकमा आन्तरिक विषय, स्थानीय चुनाव समीक्षा, संगठनबारे छलफल र आगामी कार्ययोजनाबारे छलफल हुने एक नेताले बताए ।
बैठकमा बाबुरामले समसामयिक विषयमा राजनीतिक प्रतिवेदन पनि पेस गर्ने छन् ।
त्यस्तै जसपाका अध्यक्ष उपेन्द्र यादव पक्षले पनि विरगञ्जमा छुट्टै भेला राखेकाे छ । यादव पक्षककाे बैठक पनि आजबाटै सुरु हुने जनाइएको छ । बाबुराम र उपेन्द्रको मनमुटावका कारण पार्टी फुटको संघारमा छ ।
Copyright © All right reserved to webtvkhabar.com Site By: Sobij