Logo

२०८३, मंसिर ५ गते शुक्रवार

२०८३, मंसिर ५ गते शुक्रवार

राजस्व संकलन घट्दै 

राजस्व संकलन घट्दै 

  • 417
    SHARES
  • राजस्व संकलन घट्दै 

    भैरहवा । जिल्ला ट्राफिक कार्यालय रूपन्देहीको राजस्व असुलीमा कमी आएको छ । कार्यालयले अत्यधिक भार बोक्दै आएका ट्रक चालकलाई कारबाही गरेबापतको राजस्व घट्दो क्रममा छ ।

    आर्थिक वर्ष २०७८/७९ को साउनदेखि जेठसम्मको तथ्यांक हेर्दा औषतमा प्रत्येक महिना ट्राफिक राजस्व घट्दो देखिएको हो । गत वैशाखको तुलनामा जेठमा २२ हजार राजस्व संकलनमा कमी आएको कार्यालयले जनाएको छ ।

    जेठमा कार्यालयले ५३ लाख २५ हजार राजस्व संकलन गरेको थियो । गत वैशाखमा ५३ लाख ४८ हजार राजस्व संकलन भएको थियो । सवारीसाधनका चालकलाई गरिने कारबाहीको संख्यामा पनि कमी आएको छ ।

    गत चैतमा ६ हजार ७५० चालकलाई कारबाही गरिएको थियो भने वैशाखमा ५ हजार ४६९ सवारी चालकलाई कारबाही गरिएको कार्यालयको तथ्यांकमा उल्लेख छ । कार्यालयले जेठमा ५ हजार ४३१ सवारीसाधनका चालकलाई कारबाही गरेको जिल्ला ट्राफिक कार्यालयका प्रमुख प्रहरी निरीक्षक केशव केसीले जानकारी दिए ।

    ट्राफिक नियम उल्लंघन गर्नेमा ट्रक चालक र मोटरसाइकल चालक बढी छन् । चालु आवको जेठ महिनासम्म ५२ हजार ३०७ ट्रक चालक र २ हजार ९७५ मोटरसाइकल चालक कारबाहीमा परेका थिए । 

    Copyright © All right reserved to webtvkhabar.com Site By: Sobij