वेबटिभी खबर
सप्तरी । सप्तरीको राजगढ गाउँपालिका-५ का नवनिर्वाचित वडा सदस्य ६९ वर्षीय राजेन्द्र सुतिहारको आज निधन भएको छ । उनी सुतेकै अवस्थामा आज बिहान मृत अवस्थामा फेला परेको वडाध्यक्ष देवेन्द्र साहले जानकारी दिए ।
वडाध्यक्षका अनुसार मतपरिणाम सार्वजनिक भएपछि सुतिहार बिहीबार विजय जुलुस मनाएर घर फर्किएर खाना खाएर सुतेका र आज बिहान उनको निधन भएको बताए ।
बुधबार साँझ आएको मत परिणाम अनुसार सुतिहार राजगढ गाउँपालिका-५ को वडा सदस्यमा जनता समाजवादी पार्टीको तर्फबाट विजयी भएका थिए । उनले वडा सदस्यमा सर्वाधिक ४७४ मत प्राप्त गरेका थिए ।
Copyright © All right reserved to webtvkhabar.com Site By: Sobij