Logo

२०८३, मंसिर ५ गते शुक्रवार

२०८३, मंसिर ५ गते शुक्रवार

अल्पमतमा परेपछि खानले गरे संसद् विघटन

अल्पमतमा परेपछि खानले गरे संसद् विघटन

  • 449
    SHARES
  • अल्पमतमा परेपछि खानले गरे संसद् विघटन

    इस्लामाबाद । आफू अल्पमतमा परेपछि पाकिस्तानी प्रधानमन्त्री इमरान खानले संसद् विघटन गरेका छन् ।

    केही साताअघि संसदमा दर्ता भएको खानविरूद्धको अविश्वासको प्रस्तावमाथि मतदान हुने भनिएको दिन आइतबार नेसनल एसेम्ब्लीका उपसभामुखले उक्त अविश्वास प्रस्ताव असंवैधानिक भएको भन्दै खारेज गरिदिएका थिए ।

    अविश्वास प्रस्ताव खारेज गरेर संसद अधिवेशन स्थगित भएलगत्तै प्रधानमन्त्री इमरान खानले राष्ट्रपति आरिभ अल्भीसमक्ष संसद् विघटन गर्न सिफारिस गरेका हुन् ।

    पाकिस्तानको संविधानको धारा ५८ मा प्रधानमन्त्रीको सिफारिसमा राष्ट्रपतिले संसद विघटन गर्न सक्ने व्यवस्था छ । इमरान खानको सिफारिसलगत्तै राष्ट्रपति अल्भीले संसद् विघटन गरेको पाकिस्तानी सञ्चारमाध्यमहरूले उल्लेख गरेका छन् ।

    राष्ट्रपतिले संसद् विघटन गरेसँगै पाकिस्तानमा अब ९० दिनभित्र चुनाव हुने भएको छ । 

  • सम्बन्धित विषय:

  • # संसद विघटन

  • Copyright © All right reserved to webtvkhabar.com Site By: Sobij