Logo

२०८३, मंसिर ३ गते बुधवार

२०८३, मंसिर ३ गते बुधवार

दुर्घटनामा घाइते भेरीगंगा नगरपालिकाका वडाध्यक्ष कार्कीको निधन

दुर्घटनामा घाइते भेरीगंगा नगरपालिकाका वडाध्यक्ष कार्कीको निधन

  • 423
    SHARES
  • दुर्घटनामा घाइते भेरीगंगा नगरपालिकाका वडाध्यक्ष कार्कीको निधन

    सुर्खेत । सुर्खेत भेरीगंगा नगरपालिका–१ वडा अध्यक्ष ३० वर्षीय नवराज कार्कीको निधन भएको छ । सवारी दुर्घटनामा परेका कार्कीको उपचारका क्रममा शुक्रबार राति साढे १० बजे काठमाडौंको न्युरो अस्पतालमा निधन भएको हो । 

    फागुन ८ गते रत्न राजमार्गको भेरीगंगा नगरपालिका–१२ छिन्चुमा उनी सवार भे ६ प ४४०१ नम्बरको मोटरसाइकललाई नेपालगंजबाट सुर्खेत आउँदै गरेको कर्णाली प्रदेश ०२००१ ख ०५४६ नम्बरको फोर्स गाडीले ठक्कर दिदाँ वडा अध्यक्ष कार्कीसहित स्थानीय भुपेन्द्र शाही घाइते भएका थिए । 

    टाउकोमा गम्भीर चोट लागेको कार्कीको कर्णाली प्रदेश अस्पतालमा उपचार हुन नसकेपछि हेलिकप्टर चार्टर गरेर थप उपचारका लागि काठमाडौं लगिएको थियो । 

    वडाध्यक्ष कार्की भेरीगंगा नगरपालिकाको पार्टी सचिवसमेत रहेको माओवादी केन्द्र सुर्खेतका संयोजक कृष्ण जिसीले बताए ।

  • सम्बन्धित विषय:

  • # निधन

  • Copyright © All right reserved to webtvkhabar.com Site By: Sobij