वेबटिभी खबर
काठमाडौं । प्रतिनिधिसभा बैठक स्थगित भएलगत्तै प्रधानमन्त्री शेरबहादुर देउवा र नेकपा एमाले अध्यक्ष केपी शर्मा ओलीबीच भेटवार्ता भएको छ ।
बिहीबार १ बजेका लागि बोलाइएको प्रतिनिधिसभा बैठक सरकारकै आग्रहमा शुक्रबार बस्नेगरी स्थगित गरिएको छ । बैठक स्थगित गरिएपछि ओली संसद् भवन पुगेका थिए ।
संसदमा पेश भएकाे एमसीसी पास गर्ने विषयमा देउवा र प्रमुख प्रतिपक्षी दलका नेताबीच छलफल भएकाे हाे । देउवाले गठबन्धनभित्र एमसीसी अनुमोदनका लागि सहमति जुटाउन नसकेपछि अध्यक्ष ओलीसँग सहयोग मागेका छन् ।
सत्तारुढ गठबन्धनका नेकपा माओवादी केन्द्र र नेकपा एकिकृत (समाजवादी) पार्टीले संशाेधनविना एमसीसी अनुमोदन नगर्ने अडान लिएपछि एमसीसीलाई पारित गराउन प्रधानमन्त्री देउवालाई ओलीको साथ चाहिएकाे हाे ।
Copyright © All right reserved to webtvkhabar.com Site By: Sobij
