आजबाट खुले विद्यालय

वेबटिभी खबर
माघ २३, २०७८ आइतवार ११:०४ बजे

2.8K

सांकेतिक तस्बिर

काठमाडौं । गोकर्णेश्वर नगरपालिकाभित्रका निजी तथा सामुदायिक विद्यालय आजबाट भौतिकरूपमै सञ्चालनमा आएका छन् ।

नगरपालिकाको शिक्षा समितिले गत मंगबार गरेको निर्णयअनुसार आजबाट विद्यालयमा भौतिकरूपमै पठनपाठन भइरहेकाे छ ।

स्थानीय सरकारको अधिकार प्रयोग गरेर विद्यालय सञ्चालन गर्ने निर्णय गरेका हौं : मेयर चालिसे

स्वास्थ्य सुरक्षाका मापदण्ड पालना गरेर विद्यार्थीहरूलाई भौतिक रूपमै विद्यालय बोलाएर पठनपाठन अघि बढाइको नगरपालिकाका प्रवक्ता मनोजकुमार ढंगानाले वेबटिभी खबरलाई बताए ।

संघीय सरकारले कोरोना महामारीको तेस्रो लहर तीव्ररूपमा फैलिएको भन्दै गत पुस २७ गतेबाट देशभरका विद्यालय बन्द गरेको थियो ।

सरकारले माघमसान्तसम्म विद्यालय भौतिकरूपमा सञ्चालन नगर्न निर्देशन गरेपनि गोकर्णेश्वर नगरपालिकाले भने विद्यालय सञ्चालन गरेको छ । अभिभावक र शिक्षकलगाय सबैको शतप्रतिशत सहमतिमा विद्यालय सञ्चालनमा ल्याइएको नगरपालिकाकाे भनाइ छ ।

स्थानीयत तहले विद्यालय भौतिकरूपमा सञ्चालनमा ल्याउन थालेपनि संघीय सरकार पनि दबाबमा परेको छ । संघीय सरकारले देशभरका विद्यालय भौतिकरूपमा सञ्चालन गर्ने विषयमा विभिन्न सरकारकावाला निकायसँग छलफल थालेको छ ।

आइतबारदेखि विद्यालय खोल्ने निर्णय [सूचनासहित]