Logo

२०८३, मंसिर ४ गते बिहिवार

२०८३, मंसिर ४ गते बिहिवार

कार्यव्यवस्था परामर्श समितिको बैठक भाेली बस्दै

कार्यव्यवस्था परामर्श समितिको बैठक भाेली बस्दै

  • 638
    SHARES
  • कार्यव्यवस्था परामर्श समितिको बैठक भाेली बस्दै

    काठमडौं । सभामुख अग्निप्रसाद सापकोटाले भाेली कार्यव्यवस्था परामर्श समितिको बैठक आह्वान गरेका छन् ।

    संघीय संसद्को अधिवेशन जारी रहेको भए पनि प्रतिपक्षी नेकपा (एमाले) को लगातार अवरोधका कारण नियमित कार्यसूचीमा अगाडि बढ्न नसकिरहेको बेला सभामुखले कार्यव्यवस्था परामर्श समितिको बैठक बोलाएका हुन् ।

    सभामुख सापकोटाका प्रेस विज्ञ श्रीधर न्यौपानेकाअनुसार आइतबार बिहान ११ बजे संघीय संसद् भवन नयाँ बानेश्वरमा कार्यव्यवस्था परामर्श समितिको बैठक बोलाइएको हो ।

    संघीय संसद्को बैठक आइतबार १ बजेका लागि बोलाइएको छ । बैठकको सम्भावित कार्यसूचीमा शहीद दिवसका अवसरमा सम्पूर्ण ज्ञात–अज्ञात शहीदहरूप्रति श्रद्धाञ्जलि अर्पण गर्ने कार्यसूची रहेको छ ।

    यस्तै प्रधानमन्त्री शेरबहादुर देउवाले  ‘थारू आयोगको तेस्रो वार्षिक प्रतिवेदन आव २०७७/७८’ पेश गर्ने भएका छन् । सभामुख सापकोटाले विसं २०६४ को संविधानसभामा समानुपातिक तर्फबाट निर्वाचित सदस्य जगतबहादुर ताजपुरियाप्रति श्रद्धाञ्जलि अर्पण गर्ने सम्भावित कार्यसूची तय गरिएको छ ।

    Copyright © All right reserved to webtvkhabar.com Site By: Sobij