Logo

२०८३, मंसिर ३ गते बुधवार

२०८३, मंसिर ३ गते बुधवार

भारतले धौलीगंगा बाँधका ढोका खोल्दै, महाकाली तटीय क्षेत्रमा सतर्कता अपनाउन अनुरोध

भारतले धौलीगंगा बाँधका ढोका खोल्दै, महाकाली तटीय क्षेत्रमा सतर्कता अपनाउन अनुरोध

  • 502
    SHARES
  • भारतले धौलीगंगा बाँधका ढोका खोल्दै, महाकाली तटीय क्षेत्रमा सतर्कता अपनाउन अनुरोध

    दार्चुला । भारतले धार्चुला तहशिलको छिरकिल्लामा रहेको धौलीगंगा जलविद्युत परियोजनाको बाँधका ढोकाहरु खोल्ने भएको छ । बाँधका ढोकाहरु खोलिने भएकाले महाकाली नदीमा पानीको सतह बढ्ने भन्दै तटीय क्षेत्रमा सावधानी अपनाउन जिल्ला प्रशासन कार्यालयले अनुरोध गरेको छ ।

    ड्याम सरसफाईका लागि बाँधका ढोकाहरु खोलिन लागेको जानकारी भारतको एनएचपीसी लिमिटेडले जिल्ला प्रशासन कार्यालयलाई दिएको छ । एनएचपीसीले बाँध खोल्नेबारे पत्राचार गरेको दार्चुलाका प्रमुख जिल्ला अधिकारी सिद्धराज जोशीले जानकारी दिए ।

    विहीबार बिहान ७ बजेदेखि बेलुका ७ बजेसम्म बाँधका ढोका खोलिने उनले बताए । २०७० सालमा भारतले नेपाली पक्षलाई जानकारी नदिएर बाँधका ढोका खोल्दा दार्चुला सदरमुकाम खलंगामा बाढी आएर ठूलो क्षति पुगेको थियो ।

     

    239726166_995897191199602_8381321160945704117_n.jpg

    Copyright © All right reserved to webtvkhabar.com Site By: Sobij